Maxfiylik siyosati

Oxirgi yangilanish: 2026-yil 21-oktabr

TOP — yaqin atrofdagi doʻkonlar, ustalar, oshxonalar va odamlarning eʼlonlarini xaritada narxi bilan koʻrsatadigan ilova. Maʼlumotlaringiz uchun [Operator: YaTT yoki MChJ nomi, manzili] javob beradi. Bogʻlanish: [e-pochta] yoki Telegram'dagi TOP boti.

1. Qanday maʼlumot olamiz

• Kirish. Telegram orqali kirasiz: Telegram ID, ismingiz va Telegram'da tasdiqlagan telefon raqamingizni olamiz. SMS yuborilmaydi, parol yoʻq.
• Profil rasmi — oʻzingiz qoʻysangiz.
• Siz joylagan narsalar: eʼlonlar, doʻkon maʼlumotlari, tovar va narxlar, rasm va videolar, Mahalla yozuvlari va izohlari, chatdagi xabarlar, «Menga xabar bering» soʻrovlari, shikoyatlar.
• Joylashuv. Yaqin atrofni koʻrsatish uchun telefoningiz joylashuvi ishlatiladi; doimiy kuzatilmaydi va tarixi saqlanmaydi. Eʼlon va Mahalla yozuvida joy 100–250 m surib saqlanadi — uyingiz aniq koʻrinmasin. Mahallani ochganingizda kechki xulosa uchun taxminiy hudud (~1 km) saqlanadi.
• Rasm va videolardagi yashirin maʼlumotlar (GPS, qurilma nomi) yuklashda oʻchiriladi.
• Qurilma: bildirishnoma yuborish uchun telefoningiz kaliti (Firebase) va ilova tili.
• Statistika. Doʻkon egasi doʻkoni va postlari necha marta koʻrilganini koʻradi. Kim koʻrgani aytilmaydi; kirmagan odamning IP manzili oʻzi emas, qaytarib boʻlmaydigan xeshi saqlanadi.
• AI cheklovlari uchun soʻrovlar soni (kirmagan odamning qidiruvida — IP manzili).
• Ilova xatolari: ilova kutilmaganda buzilsa — tuzatish uchun xato matni, ilova versiyasi va telefon turi (Android yoki iPhone). Kimligingiz yozilmaydi; 30 kundan keyin oʻchadi.
• Ovoz bilan yozish: gapingizni telefoningizning oʻzidagi nutqni aniqlash xizmati (masalan, Google) matnga aylantiradi. Ovoz yozuvi TOP serveriga yuborilmaydi — faqat matn.
• Shtrix-kod va fayllar: kamera tasviri telefonda qayta ishlanadi; yuklangan Excel yoki CSV fayl oʻqilgach saqlanmaydi.

2. Nima uchun ishlatamiz

• xizmatni koʻrsatish: xarita, qidiruv, eʼlonlar, chat, Lenta, Mahalla;
• xavfsizlik: firibgarlik, spam va taqiqlangan narsalarni aniqlash (AI va shikoyatlar);
• bildirishnomalar: yangi xabar, siz kutgan narsa, saqlangan doʻkon yangiliklari, Mahalla xulosasi (profilda oʻchirsa boʻladi);
• doʻkon egalariga koʻrishlar statistikasi.

Maʼlumotlaringizni sotmaymiz va reklama uchun kuzatmaymiz.

3. Kim koʻradi

• Hammaga ochiq: eʼlonlar, doʻkon sahifalari va narxlar, Mahalla yozuvlari va izohlari, ularning yonida — ismingiz va profil rasmingiz.
• Doʻkon telefoni — faqat kirgan foydalanuvchilarga. Shaxsiy raqamingiz boshqalarga koʻrsatilmaydi (matnga oʻzingiz yozmasangiz).
• Chat — faqat suhbatdoshlarga; shikoyat qilinsa, moderator koʻrishi mumkin.

4. Kimga yuboriladi

• Anthropic (Claude AI, AQSh) — eʼlon, post yoki Mahalla yozuvini toʻldirish, rasm bilan qidirish va moderatsiya uchun tegishli matn va rasmlar. Faqat soʻrovni bajarish uchun.
• Telegram — kirishni tasdiqlash va bildirishnomalar.
• Google Firebase — telefonga bildirishnoma.
• OpenFreeMap — xarita tasvirlari (telefoningiz IP manzili xarita serveriga koʻrinadi).
• Qonun talab qilganda — vakolatli davlat organlariga.

5. Qayerda va qancha saqlanadi

Maʼlumotlar Yevropa Ittifoqidagi (Finlyandiya) himoyalangan serverda, shifrlangan aloqa (HTTPS) orqali saqlanadi; keyinchalik Oʻzbekistondagi serverga koʻchiriladi. Akkauntingiz bor ekan saqlanadi. Oʻchirgan narsangiz (eʼlon, yozuv, rasm) bazadan oʻchadi, rasm va video fayllari ham.

6. Huquqlaringiz

• Maʼlumotlaringizni koʻrish va oʻzgartirish — ilovada.
• Akkauntni oʻchirish: Profil → «Akkauntni oʻchirish» yoki Telegram'da TOP botiga /delete. Batafsil: akkauntni oʻchirish. Hammasi oʻchadi; oʻzingiz ochgan doʻkonlar ham, egalik qilib olgan doʻkon esa yana egasiz joy boʻlib qoladi.
• Bildirishnomalarni oʻchirish — profil sozlamalarida.
• Savol va shikoyat — bizga yozing yoki vakolatli davlat organiga murojaat qiling.

7. Xavfsizlik

Kirish kalitlari bazada xesh koʻrinishida saqlanadi, ilova va server orasidagi aloqa shifrlanadi (HTTPS), rasmlardan yashirin maʼlumotlar oʻchiriladi, joylashuv surib saqlanadi.

8. Yosh chegarasi

TOP 16 yoshdan katta foydalanuvchilar uchun.

9. Oʻzgarishlar

Siyosat oʻzgarsa, shu sahifada yangilanadi; muhim oʻzgarishni ilovada xabar qilamiz.